السلام عليكم

تم الانتقال الي مدونة جديدة ...اهلا بكم هناك



http://rigidwolf.blogspot.com/

روح شكيد.....ياروح امكم

صفعة جديدة علي قفا الكرامة المصرية
والعربية
يعني هي جت علي الاسري المصريين
ما احنا طول عمرنا بناخد علي قفانا
شعب عجيب
وامة غريبة
كل يوم بنتضرب قفا اجمد من اللي قبله
ونقول معلش....احنا كويسين وطيبين ومش هنتكلم
هما وحشين وربنا ينتقم منهم
هما يهينوا فينا ويمرمطوا فينا
ويجي الواطي وزير الخارجية يقول احنا مش هنقطع علاقتنا بإسرائيل عشان خاطر فيلم
ايوة ...راجل واطي
لما يذيعوا فيلم زي كدا وانت تقول احنا حكومة وبلد حكيمة (بندي حقن يعني)...وتقول احنا اخدنا حقنا في 73 ...يبقي انت واطي
واطي عشان مغيرتش علي اهلك وناسك....ابن بلدك

يااااااااااااااااااااااه
معقولة
معقولة احنا رخاص اوي كدا عند بلدنا
دا احنا محصلناش الحيوانات
انتم ملاحظين ان كل المجرمين الحرب في 67 وفي 73 بقوا رؤساء وزراء في اسرائيل؟؟
ورؤساء إسرائيل كمان
ويجوا مصر نستقبلهم بالورود
طيب انا عاوز اسأل سؤال
امته هنتحرك ويغلي الدم في عروقنا
مرة واحدة
احنا دلوقتي بطلنا نشجب ونندد وندين.....حتي دولة كمان بقينا بنخاف نعملهم
هو في ايه؟؟؟؟
مستنيين ايه يحصل تاني؟؟؟؟
المسجد الاقصي وبيتهد ادام عيونا
المسلمين بيدبحوا في كل مكان.....
بناخد كل قفا وقفا....وبرضوا لسا مغليش الدم في عروقنا
ااااااااااااااااااااااااااااااااااااااااااااااااااااااااااه
يا حرقة دم اهلي.......امتة بقي اسرائيل تخلص الجدار الفاصل عشان اروح اخبط راسي فيه......امته
ودي من اهم اهداف بناء الجدار العازل الاسرائيلي....انه يكون قوي حتي يتحمل خبط روس العرب
طيب وبعدين......في ايه وسخ تاني لسا متعملش فينا؟؟؟
فكروا كدا......ايه تاني لسا محصلش....؟؟؟
في جزمة لسا منضربناش بيها

روح شكيد
فيلم اتعرض فيه قصة قتل الاسري في 67......الهدف من عرضه ايه؟؟؟
الهاب المشاعر العربية بوجه عام والمصرية بوجه خاص؟؟؟
لا
بيان قذارة الجيش الاسرائيلي وتاريخة الاسود...؟؟؟
وهما ناقصين....ولاد الجزم دوله مش فارقة معاهم حاجة
يمكن قصده إظهار ضعف وخيبة الشعب العربي والمصري؟؟؟
لا يا شيخ....؟؟؟ ومن امته الشعب العربي مكنتش خيبته تقيلة
طيب بالله عليكم قوليلي انتم.....هما عاوزين يقولوا ايه؟؟؟
والمفروض احنا نعمل ايه؟؟؟
نرد اعتبارنا ازاي؟؟؟
ايه اللي ممكن يجبلنا حقنا...
حكومتنا؟؟؟
هأو....هأوأو

نايب من نواب مجلس الشعب قال بقين جامدين اوي
قال احنا عاوزين رجالة الدم بيجري في عروقها
انا ارد عليه واقوله انه ملوش حق في اللي قاله دا
احنا شببنا كلهم الدم بيجري في عروقهم
بس عارفين امته



لما بيشوفوا هيفا واليسا ونانسي وروبي

وسلملي علي الكرامة يا بلد وسخة

توكلت علي الله

السلام عليكم
في الروقان كدا وبعيد عن الناس نقول بسم الله ونبدأ رحلة جديدة من الفضفضة
ايوة فضفضة....بس المرة دية بقي مع نفسي...يعني مش عاوز حد يدخل يرد ولا يقول رأيه
كفاية اللي حصل قبل كدا
لقيت نفسي بكتب عشان خاطر الناس مش عشان خاطر انا عاوز اكتب
طبعا الفضول هيقتلكم وتقولوا هو ايه اللي حصل قبل كدا ( بإعتبار ان في حد هيدخل من الاساس ويشوف اللي مكتوب)....بس انا مش هقولكم ايه اللي حصل قبل كدا وسوابق التدوين بتاعت حضرتي

المهم في حوارات ومواضيع جاية لازم هكتبها ...او بمعني اصح حابب اني اكتبها

بسم الله توكلنا علي الله